ఈ దినం క్రీస్తు జన్మ దినం

Song Writer: కృపాదాస్ కొల్లాటి

ఈ దినం క్రీస్తు జన్మ దినం

శుభకరం లోక కళ్యాణం

పరమును విడచి ఇలకు చేరిన

మహిమ అవతారం (2)

ఆడుము పాడుము ప్రభుని నామము

నూతన గీతముతో

రక్షణ పొందుము ఈ సమయము

నూతన హృదయముతో (2)        ||ఈ దినం||

దేవ దూతలు పలికిన ప్రవచనం

జ్ఞానులకొసగిన దివ్య మార్గం (2)

ధన్యత కలిగిన దావీదు పురము

కన్య మరియకు ప్రసవ తరుణం        ||ఆడుము||

పాప దుఃఖములన్నియు పారద్రోలును

కృపయు క్షేమము కలుగజేయును (2)

రక్షణ నొసగెడి పరమ సుతునికి

ఇమ్మానుయేలని నామకరణము         ||ఈ దినం||

ఈ దినం క్రీస్తు జన్మ దినం